Li Hewlêrê Konsulxaneya Giştî ya Qeterê tê vekirin
Di demeke nêz de Konsulxaneya Giştî ya welatê Qeterê dê li bajarê Hewlêrê were vekirin.
Roja sêşemê 4ê Cotmeha 2022yan, Encûmena Wezîran a Iraqê rizamendî li ser vekirina Konsulxaneya Giştî ya welatê Qeterê li bajarê Hewlêrê nîşan da.
Di daxuyaniya civîna Encûmena Wezîran a Iraqê de hatiye, li gor yasaya xizmeta derve ya sala 2008an û rêkeftina Viyenayê ji bo pêwendiya konsulxaneyan a sala 1963yan, li ser vekirina Konsulxaneya Giştî ya Qeterê li bajarê Hewlêrê rizamendî hatiye nîşandan.
Ev pêngav, di dirêjahiya hewlên dîplomasî yên Hikûmeta Herêma Kurdistanê de tê, ji bo berfirehkirina pêwendiyên xwe yên ligel welatên navçeyê û bi armanca geşepêdana jêrxan û karkirina li ser pêşvebirina sektorên cuda yên li Herêma Kurdistanê.
Ev nûçe bi tevahî 699 kes dît.
Nûvekirina herî dawî: 16:20:55
Nûvekirina herî dawî: 16:20:55
