Li Semsûrê bi hinceta PKKê 5 kes hatin desteserkirin

Li gor agahiyên hatine belavkirin, roja Duşemê 17ê Cotmeha 2022ê bi kordîneya Serdozgeriya Komarê ya Semsûrê tîmên girêdayî Fermandariya Cendermeyan operasyonên hemwext li wê parêzgehê pêk anîne.

Di encama wan operasyonan de 5 kes bi tohmeta “endamtiya PKKê” hatine desteserkirin.

Medyaya fermî ya Tirkiyê jî ragihandiye, karûbarên yasayî yên wan 5 kesên desteserkirî berdewam e.

Li piraniya parêzgehên Tirkiye û Bakurê Kurdistanê salên dirêj in hêzên emnî yên Tirkiyê bi hinceta PKKê operasyonan dikin û di encam de hejmareke zêde ya welatiyan, alîgir û endamên HDPê bi îdîaya "endamtî û propagandeya rêxistinê" tên girtin û cezakirin