Mesrûr Barzanî di peyama xwe de ragihand jî: “16ê Tebaxê tenê ne salvegera damezrandina partiyeke kevnar û pêşeng ya Kurdistanî ye bi Rêberatiya bavê Rihê netewî ya me Mistefa Barzanî ye, belku, hemdem bîranîna debistaneke mezin û biheybet ya Kurdatî, nîştimanperwerî xwe neçemandin û berevanî kirine ji mafên reva yên gelê Kurdistanê bi tevahiya pêkhateyên cuda cuda ku, heta niha jî berdewam e li ser xebat, qurbanîdan û têkoşîn û hertim di eniya herî li pêş ya berevanî kirin ji pêgeh, xak û mafên gelê Kurdistanê ye.”
Deqa peyama Cîgirê Serokê PDKê Mesrûr Barzanî:
Di 77mîn salvegera damezrandina Partiya Demokrata Kurdistanê û salvegera ji dayikbûna Serkirde û Rêberê nîştimanî cenabê Serok Mesûd Barzanî, gerimtirîn pîrozbayî pêşkêşî cenabê Serok, tevahiya endam, alîgir, dostên Partiya Demokrata Kurdistanê, malbet û kesûkarên serfiraz yên şehîd û enfalkiriyan, Pêşmergeyên qehreman yên Kurdistanê û tevahiya Kurdistaniyên nîştimanperwer dikim.
16ê Tebaxê tenê ne salvegera damezrandina partiyeke kevnar û pêşeng ya Kurdistanî ye bi Rêberatiya bavê Rihê netewî ya me Mistefa Barzanî ye, belku, hemdem bîranîna debistaneke mezin û biheybet ya Kurdatî, nîştimanperwerî xwe neçemandin û berevanî kirine ji mafên reva yên gelê Kurdistanê bi tevahiya pêkhateyên cuda cuda ku, heta niha jî berdewam e li ser xebat, qurbanîdan û têkoşîn û hertim di eniya herî li pêş ya berevanî kirin ji pêgeh, xak û mafên gelê Kurdistanê ye.
Partî hizba dayik û şoreşên mezin û destkeftiyên mezin e, xwedan dîrokeke tîje ji serfirazî, serwerî û Serokekî Pêşmerge ye ku, jiyan û temena xwe bo berevanî kirin ji keramet, serfiraziya gel û nîştiman û şikoya Kurdistanê terxan kiriye.
Partî ti carî hizbeke deverek anjî navçeyeke diyarîkirî ya Kurdistanê nebûye belku, ji roja damezrandinê ve tevahiya sînorên navçeyî derbas kiriye û bûye tevgereke girseyî ya Kurdistanî û berevanîkarê bihêz ya destkeftiyên nîştimanî, buhayê azadî, demokrasî û Parêzerê bihevre jiyana li Kurdistanê ye.
Partî hizba li estû girtina berpirsiyartiyên mezin û bihêz ragirtina îradeya Kurdistaniyan e û heta îro berdewame li pêşengî û pêşrewayetî kirina xelkê Kurdistanê bo parastina pêgeha nîştimanî û destûrî ya herêma Kurdistanê û pêşxistin û geşe pêdana karwana awedanî û wejandina Kurdistanê.
Di vê bîranîna bi heybet de birêzdarî û wefadarî ve damezrênerê partî, Rêberê dîrokî û bavê rihê Netewî ya xwe Mistefa Barzanî û Serkirdeyê şehîd Îdrîs Barzanî û tevahiya şehîdên rêya azadiya Kurdistanê bi bîr tînin.
16 Tebaxê li tevahiya Kurdistaniyan pîroz be
Mesrûr Barzanî
Cîgirê Serokê Partiya Demokrat a Kurdistanê
