Serokê Herêma Kurdistanê Mesûd Barzanî di peyama xwe de ragihand ku karker çîna kedkar û zehmetkêşên welat in û roleke wan a bi bandor di pêşketina aboriya civakê û dabînkirina bextewerî û xweşguzeraniya hemwelatiyan de heye. Divê Kurdistan ji bo baştirkirina rewşa karkeran û dabînkirina mafên wan de gavan biavêje.
Barzanî di berdewamiya peyama xwe de got: "Bi helkevta Roja Cihanî ya karkeran û cejna karkeran germtirîn pîrozbahiyên xwe pêşkêşî hemû karkerên Kurdistanê û Sendîkaya Karkerên Kurdistanê û rêxistinên piştgir ên mafên karkeran dikim. Karker çîna kedkar û zehmetkêşên welat in û roleke wan a bi bandor di pêşketina aboriya civakê û dabînkirina bextewerî û xweşguzeraniya hemwelatiyan de heye û destxweşiyê li erk û keda wan dikim."
Serokê Kurdistanê di dirêjiya peyama xwe de got: "Rêzgirtina mafên karkeran û baştirkirina rewşa jiyana wan û berçavgirtina dadperweriyê amaje ne ji bo geşbûna mirovî û aboriyê û pêwîst e Kurdistan di wê rêyê de pêngavan bavêje. Di vê helkevtê de, ez hêviya şadî û bexteweriyê ji bo karkerên azîz dixwazim."
