Li gorî nûçeya ku ajansa Spûtnîk Kurdistanê de cih digire hatiye destnîşankirin ku Endamê dezgeha destpakiyê û Parlementerê kurd ji Koma PDK\'ê li Bexdayê Dr.Erdelan Mehmûd ragihandiye û dibêje, ew lîsteya hatiye amadekirin ji navên çend rayedarên herî bilind pêk tê ku wek mînakî Serokwezîrê berê yê Iraqê Nûrî Malikî û hejmarek ji wezîr û û berpirsên din bi taybetî di wezaretên parastinê de jî di wê lîsteyê de cih digirin.
Mehmûdî li ser dosyaya Malikî de dibêje; \"Malikî bi ketina Musilê û diziya pere û çendîn tawanên din ji gendeliyê tawanbar e. Herwiha hin wezîr û berpirsên din di kirîna çekan de gendelî kiriye û tawanbar in û belge li ser hatine komkirin.\"
Derbarê berpisên Kurd jî Dr.Erdelan Mehmûdî gotiye, \"Belê hejmarek ji berpirsên Kurd ku li Bexdayê post wergirtine jî gendelî kiriye û navê çend ji wan tê de ye.\"
Endamê Dezgeha Destpakiyê daye zanîn, pirsyar ew e gelo hikûmeta Heyder Ebadî dê bikare di demeke nêz de wan tawanbaran bide dadgehê û bên sizadan, ji ber heta niha hin aliyên şîî, Kurd û sunî hew didin rê ji hember van dosyayan bigirin.\"
Li gor zanyariyan tê gotin ku, di dema du hefteyên borî de du şandeyên Amerîkayê serdana Ebadî kiriye û jê xwestiye ku pêwîst e dosyên gendeliyê li ser berpirsên herî bilind ê Iraqê veke û bide dadgehê.
