Wezareta Pêşmergeyan derbarê tevlîbûn û tevgera hêzên wan a piştî destpêkirina operasyona Tirkiyê li Herêma Kurdistanê daxuyaniyek weşand û got, "Hêzên Pêşmergeyan bi ti awayî tevlî operasyonan nebûne û nehatine veguhestin."
Di daxuyaniyê de hat gotin, "Weke her car, Pêşmerge li çeperên parastinê, çavvekirî ne û nahêlin ti devereke din a niştecihbûyî bikeve bin bandora pirsgirêkên navbera aliyên nakok, ji ber ku ev çend sal in gelê Kurdistanê ji ber nakokiyên herêmî bacê dide û zerareke mezin dîtiye."
Wezareta Pêşmerge di daxuyaniyê de teqez kir ku divê rêz li serweriya Herêma Kurdistanê û Iraqê were girtin.
Daxuyaniya Wezareta Pêşmerge:
"Derbarê beşdarbûn û liv û tevgera Hêzên Pêşmergeyên Kurdistanê de piştî destpêkirina operasyonên Artêşa Tirkiyê li deverên sînorî, grûbeke çapemeniyê ya neberpirs wan tawanbar dikin ku Hêzên Pêşmergeyên Kurdistanê bi hevkarî û beşdariya operasyonê kirine.
Em li Wezareta Pêşmerge hemû tometan red dikin û radigîhînin ku Hêzên Pêşmergeyan bi ti awayî tevlî operasyonan nebûne û nehatine veguhestin.
Weke her car Pêşmerge li çeperên berevaniyê çavvekirî ne û rê nade ti deverên din yên nîştecêbûyî bikeve bin bandora pirsgirêkên navbera aliyên nakok, ji ber ku ev çend sal in gelê Kurdistanê ji ber nakokiyên herêmî bacê dide û zerareke mezin dîtiye.
Em teqez dikin ku divê rêz li serweriya Herêma Kurdistanê û Iraqê were girtin."
