Di êrîşên Rûsyayê yên li Ukraynayê da 231 zarok hatin kuştin

Hat ragihandin di êrîşên Rûsyayê yên li Ukraynayê da 427 zarok birîndar bûn û 231 zarok jî hatin kuştin.

Serdozgeriya Komarê ya Ukraynayê daxuyanî da û ragihand ku di bombebarandina artêşa Ûris da 1828 saziyên perwerdehiyê yên li welêt zirar dîtin û 171ê wan bi tevahî hilweşiyan.

Di daxuyaniyê da hat gotin ji 24ê Sibatê ku êrîşên Rûsyayê dest pê kir heta niha 427 zarok birîndar bûn û 231 zarok jî hatin kuştin.