Li Tirkiye û Bakurê Kurdistanê hejmara alîgirên Amedsporê çiqas e?

Di çarçoveya lêkolînê de, li hemû navçeyên Amedê bi 1500 kesan re rû bi rû hevdîtin hat kirin.

Di encama hevdîtinan de derket holê ku li seranserê Tirkiye û Bakurê Kurdistanêyê Kurdan eleqeyeke mezin ji bo Amedsporê heye.

Li gorî raporê, ji sêyan yekê şêniyên Amedê ne alîgirên futbolê ne.

Li seranserê Tirkiyeyê jî ji çaran yekê Kurdan ne alîgirên fubolê ne.

Ji her 9 Kurdên futbolhez, yek jê wekî tîma duyemîn piştgiriyê didin Amedsporê.

Bi taybetî li Amedê, di navbera alîgirên futbolê de, eleqeya ji bo Amedsporê ji çaran yek derbas dike.

Ev jî li herêmê popîlerbûna tîmê eşkere dike.

Li gorî lêkolîneran, li Amedê herî kêm 250 hezar û li seranserê Tirkiye û Bakurê Kurdistanê jî milyonek alîgirên Amedsporê hene.