Serokkomarê Demkî yê Sûriyeyê Ehmed Şer doh biryara hejmara pêncê ya serokkomariyê derxist ku derbarê avakirina Meclîsa Ewlehiya Neteweyî ya Sûriyeyê ye.
Li gorî wê biryarê destûr ji bo berjewendiyên ewlehiya niştimanî û çareserkirina pisgirêkan ji Serokkomarê Sûriyeyê re hatiye dayîn.
Serokkomar ev biryar dane:
Yekem: Meclîsa Ewlehiya Neteweyî ya Sûriyeyê bi serokatiya Serokkomar pêk tê. Armanca wê hevahengî û birêvebirina siyasetên ewlehî û siyasî ye.
Duyem: Meclîsa Ewlehiya Neteweyî ya Sûriyeyê ji van kesan pêk tê:
Wezîrê Karên Derve
Wezîrê Parastinê
Birêvebirê Îstîxbarata Giştî
Wezîrê Karên Navxwe
Du kursiyên şêwirmendiyê ku ji aliyê Serokkomar ve li gorî jêhatîbûn û ezmûna wan tên destnîşankirin.
Kursiyeke teknîkî ya pispor ji aliyê Serokkomarî ve ji bo çavdêriya karûbarên teknîkî û zanistî yên pêwendîdar bi protokolên rûniştinê tê destnîşankirin.
Sêyem: Meclîsa Ewlehiya Neteweyî ya Sûriyeyê civînên xwe bi awayê devrî yan jî li ser gazîkirina Serokkomarî dike. Hemû endam biryarê li ser ewlehiya neteweyî û astengiyên li pêşiya dewletê didin.
Çarem: Erkên Meclîsa Ewlehiya Neteweyî ya Sûriyeyê û mekanîzmên karên wê li gorî şîretên Serokkomar tên diyarkirin. Bi rengekî ku li gel berjewendiya bilind a niştimanî be û hevahengiya bibandor di navbera hemû dezgehan de bike.
Pêncem: Biryar ji roja derçûna xwe ve tê bicihkirin û aliyên pêwendîdar ji bo bicihkirina wê tên erkdarkriin
