Civata Wezîran danûstandinan li ser hinardekirina petrola Herêma Kurdistanê dike

Civata Wezîrên Herêma Kurdistanê berî nîvroya îro (Çarşem, 12.03.2025) bi serperiştiya Serokwezîrê Herêma Kurdistanê Mesrûr Barzanî û amadebûna Cîgirê Serokwezîrê Herêma Kurdistanê Qubad Talebanî rûniştina xwe li dar dixe.

Di rûniştina îro ya Civata Wezîrên Herêma Kurdistanê de danûstandin li ser van mijaran tên kirin:

1. Encamên dawî civînên hevpar ên navbra Wezareta Samanên Xwezayî ya Herêma Kurdistanê û Wezareta Petrolê ya Îraqê bi amadebûna nûnerê kompaniyên petrolê, li ser bizavên destpêkirina hinardekirina petrola Herêma Kurdistanê li ber ronahiya bendên qanûna edilandina budceya federalî.

2. Diyarkirina rojên bêhnvedan û helkeftinên fermî di rojhijmêrka Hikûmeta Herêma Kurdistanê de.

3. Raporta sindoqa piştevaniya pirojeyên biçûk ên ciwanan di derheqa lêborîna bi rêjeya 50% heta 100% ji bo qistên mayî yên mifadarên wexerkirî.

4. Lêborîn ji bo silfa zewacê ya wan kêmendamên berî sala 2013ê silfa zewacê wergirtibû.