Li Kerkûkê operasyona hevbeş: 3 DAIŞî hatin kuştin

Di daxuyaniya ku doh ji aliyê Asayîşê ve hat dayîn de, hat diyarkirin ku operasyon li ser bingeha zanyariyên hûr ên îstixbaratî û bi destûra saziyên dadwerî hatiye pêkanîn.

Hat eşkerekirin ku li herêmîn Pelkane û Tawirkeweyê yên Kerkûkê ve hêzan avêtiye ser stargeheke ku hatibû destnîşankirin.

Li gorî daxuyaniyê, di navbera hêzên ewlehiyê û çekdarên DAIŞê de ji nêz ve pevçûn derketiye û 3 çekdarên DAIŞê hatin kuştin

Nasnameyên kesên ku di pevçûnê de hatin kuştin wiha hatin eşkerekirin:

Eymen Corc Ehmed el-Ubeydî (Nasnav: Adem): Berpirsê devera Silêman Begê

Huseyîn Elî Xelef Hebîb el-Mefrecî (Nasnav: Ebû Ezra): Endamê DAIŞê

Yaqûb (Nasnav: Ebû Caban Îranî): Endamê DAIŞê

Her wiha hat ragihandin ku di çarçoveya operasyonê de stargeh û cihên xweveşartinê yên DAIŞê bi temamî ji holê hatine rakirin.