Serokê Herêma Kurdistanê Nêçîrvan Barzanî û Wezîrê Karên Derve yê Fransayê Jean Neol Barrot li Hewlêrê civiyan.
Piştî hevdîtinê Nêçîrvan Barzanî û Jean-Noel Barrot konferanseke çapemeniyê ya hevbeş li dar xist.
Nêçîrvan Barzanî, di konferansa çapemeniyê got, "Em dostanî û pêwendiyên dîrokî yên Fransayê yên bi Îraq û Herêma Kurdistanê bilind dinirxînin."
Serokê Herêma Kurdistanê ragihand, "Em tekezî li ser pabendiyê ji bo pêşxistina pêwendiyan û firehkirina hevkariya hevbeş di hemû waran de dikin, bi taybetî di xurtkirina aramî û ewlehî û hevkariya aborî û çandî û warên din de jî."
Nêçîrvan Barzanî ev konferansa rojnamegerî wek derfetek dît û got:
"Em spasî û pêzanîna xwe ya kûr ji bo Fransa û cenabê Serok Macron ducare dikin, ji bo piştgiriya wan a berdewam a Îraq û gelê Kurdistanê, bi taybetî di demên zehmet de.
Em li hêviya hevkarî û hevahengiya di navbera me de ne ji bo xizmetkirina aştî û pêşketinê li herêmê."
"Hikûmetê zû ava bikin û paşeroja Herêma Kurdistanê misoger bikin"
Li aliyê din, Wezîrê Karên Derve yê Fransayê Jean Neol Barrot spasiya pêşwaziyê kir û got ku ev serdana Hewlêrê nîşana pêwendiyên bihêz ên di navbera Fransa û Herêma Kurdistanê de ye.
Derbarê avakirina Hikûmeta Kurdistanê jî Barrot got, "Em handan didin ku hûn di demeke kurt de hikûmetê pêk bînin û paşeroja Herêma Kurdistanê misoger bikin."
Jean Noel Barrot hêvî kir ku "dostaniya di navbera Fransa û Herêma Kurdistanê de xurttir bibe."
