Serokatiya Herêma Kurdisanê li ser civînê daxuyaniyek belav kir.
Li gorî daxuyaniyê di civînê de pêwendiyên navbera Yekîtiya Ewropayê û Herêma Kurdistanê û xurtkirina hevkarî û hevahengiya hevbeş hatin gotûbêjkirin.
Her wiha derbarê rewşa siyasî û aborî li Îraqê û Herêma Kurdistanê dîtin û ramanên xwe anîn zimên.
Nêçîrvan Barzanî tekezî li ser girîngiya rola Yekîtiya Ewropayê di piştgiriya aramiyê û berdewamiya xurtkirina pêwendiyan de ya bi Îraqê û Herêma Kurdistanê re kir.
Serokê Herêma Kurdistanê bi taybetî amaje bi warên bipêşveçûnê, mafên mirovan û hevkariya aborî û çandî de kir.
Piştgiriya Yekîtiya Ewropayê
Balyoz Thomas Seiler jî pabendiya Yekîtiya Ewropayê bi berdewamiya piştgiriya Îraqê û Herêma Kurdistanê re anî zimên.
Her wiha spas û pêzanîna xwe ji bo rola Herêma Kurdistanê di çespandina aramiyê û pêkvejiyana aştiyane de nîşan da û daxwaza Yekîtiya Ewropayê ji bo pêşvebirina warên hevkariyê bi Herêma Kurdistanê re anî zimên.
Rewşa Sûriyeyê û herêmê bi giştî jî di civînê de hat gotûbêjkirin.
