Serok Mesûd Barzanî sala nû ya gelê Kurdistanê pîroz kir û got, “Herêm bi giştî di bin metirsiya nearamî û krîz, şer û kaosê de ye.”
Serok Barzanî ji bo hatina sala nû peyameke pîrozbahiyê belav kir.
Serok Barzanî di peyama xwe de got:
“Divê her kes bizane ku mafê gelên herêmê ye ku di nav aramî û aştiyê de bijîn û herêma me êdî tehemûla pirsgirêk, tundûtûjî, teror û nearamiyê nake.”
Serok Barzanî di peyama xwe de behsa çareseriya pirsgirêkên di navbera Hewlêr û Bexdayê de jî kir û got:
“Tê çaverêkirin ku di sala nû de Hikûmeta Federal a Îraqê ji bo çareserkirina pirsgirêkên bi Herêma Kurdistanê re û pabendbûna bi binemayên destûrî û berjewendiyên gelê Îraqê gavan bavêje.”
Serok Barzanî di beşeke din a peyama xwe de anî ziman:
“Peyama gelê Kurdistanê jî ji bo hemû aliyan hertim peyama diyalog, têgihiştin û çareseriyê bûye û ev jî baştirîn rê ye ji bo bidestxistina aramî, aştî û pêşketinê.”
Di dawiya peyama xwe de Serok Barzanî hêvî kir ku sala 2024an bibe sala aramî û bexteweriya hemû welatiyên Îraq û Kurdistanê.
