Serokê herêma Kurdistanê Mesûd Barzanî bi peyamekê serxweşî li malbat û hevsera dîrokzanê kurd prof. Cemal Reşîd kir.
Li gor malpera fermî ya serokatiya herêma Kurdistanê daxuyanî waha ye:
Bi navê xwedayê mezin û dilovan
Birêz Dr Kurdistan Mukriyanî
Birêz malbata Profesor Cemal Reşîd
Bi xem û kovaneke mezin ve nûçeya koça dawî ya Profesor Cemal Reşîd, dîroknivîs û mamostayê zanîngehê gihîşt me, bi vê helkefta xemgîn ve serxweşî û hevxemiya xwe bi malbata we ya birêz û akademîst û dîroknivîsên Kurdistanê radigihînim.
Profesor Cemal Reşîd, wekî dîroknivîs û akademîst û xebatkar roleke xwe ya ber bi çav û bi bandor li parastin û saxkirin û nivîsîna dîroka neteweya xwe û nasandina wê bi nifşên nû yên Kurdistanê de û ew hemû kesên xwestine rastiyan di derbarê Kurd ve bizanin de hebûye. Ji destdana rêzdar ziyaneke mezine ji bo gelê me bi giştî û ji bo navendên lêkolîn û dîroknivîsan bi taybetî.
Ji xwedayê mezin hêvîdarim, aramî û sebirê bi we û hevalên wî bibexşê û xwedê jê razî jî bixe ber dilovaniya xwe û bi bihûşta fireh şad bike.
Inna Lilleh We Inne Ileyhî Racîun (Em Ji Xweda Hatin Û Emê Dîsa Vegerin Xweda)
Mesûd Barzanî
19.12.2016
