Berdevkê Konseya Ewlehiya Neteweyî (NSC) James Hewîtt ragihand ku di hevdîtinên Amerîka û Ukraynayê yên li Erebistana Siûdî de gavên girîng hatin avêtin û alîkariya wan a leşkerî ya ji bo Ukraynayê ji nû ve dest pê kir.
Piştgiriya îstîxbaratê û sewqîyata leşkerî ya ji bo Ukraynayê piştî nîqaşa di navbera Serokê Amerîkayê Donald Trump, alîkarê wî Serok JD Vance û Serokê Ukraynayê Volodymyr Zelenskyy de hatibûn sekinandin.
Trump îdia kiribû ku Zelenskyy di vê hevdîtinê de li hemberî gelê Amerîkayê bêhurmetî kiriye, Zelenskyy jî gotibû wî tiştekî xelet nekiriye û lêborîna xwe xwestibû.
Trump êvara sêşemê li Kongreyê axivîbû û gotibû ku Zelenskyy ji wî re nameyek şandiye û gotiye Ukrayna amade ye ku peymana elementên axê yên kêm tên dîtin îmze bike û beşdarî mizakereyên aştiyê bibe.
Ji aliyê din ve, Rêvebirê Teşkîlata Îstixbarata Navendî ya Amerîkayê (CIA) John Ratclîffe piştrast kiribû ku piştî niqaşa di navbera Trump û Zelenskyy de wan bi awayekî demkî piştgirî û sewqîyata leşkerî ya ji bo vî welatî rawestandiye û destnîşam kiribû ku ev biyareke demkî ye.
Steve Wîtkoffê Nûnerê Taybet ê Trump gotibû ku Zelenskyy di nameya navborî de lêborîn xwestiye.
