Îran: General Silêmanî plana Îsraîla duyem a li Kurdistanê têk bir

Li gorî agahiyên li ser malpera NRTê Serokê Ofîsa Ayetullah Elî Xameneyî, Mihemedî Gulpayeganî diyar kiriye ku bi fermana Xamaneyî û hewldanên Qasim Silêmanî ve plansaziya avakirina Îsraîla duyem a li ser axa Kurdistanê têk bir.

Gulpayengî îdia kir ku Amerîka û Îsraîl plan dikin ku li ser axa Herêma Kurdistanê Îsraîla duyem ava bikin û got, "Lê bele hewldanên Qasim Silêmanî ew plan têk bir û bêyî rijandina xwînê dest danîn ser Kerkûk û navçeyên derdora wê."