Bi mûşekan êrişî Balafirgeha Bexdayê hat kirin

Ajansa Nûçeyan a Îraqê (INA) ragihand ku mûşekek li Balafirgeha Navneteweyî ya Bexdayê li cihekî vala ketiye.

INAyê da zanîn ku mûşekek jî li qada parkkirina otomobîlan a Serwîsa Têkoşîna bi Terorê re ketiye.

Hat destnîşankirin ku mirî û birîndar nînin.

Li hêla din, hat gotin ku hêzên ewlehiyê li herêma Amiriyeyê ya Bexdayê di otomobîlekê rampayeke berdana mûşekan dîtiye.

Rayedarên balafirgehê ji Rûdawê re da zanîn ku li balafirgehê pirsgirêka ewlehiyê nîne û sefer berdewam dikin.