Encamên dawî yên serjimêriya xelkê Iraqê hatin aşkerekirin

 Wezareta Plandananê ya Iraqê amarên dawî yên serjimêriya giştî ya xelkê Iraqê eşkere kir. Li gorî encaman, hejmara giştî ya Iraq û Herêma Kurdistanê 46 milyon û 118 hezar kes e.

Encamên serjimêriya giştî ya nifûs û xaniyan a sala 2024an li Iraqê:

1. Li gor zayendê:

       • Rêjeya zayendî: ji her 100 jinan re, 101 nêr

2. Li gor jîngehê:

       • %70.17ê bajarî ne

       • %29,83 gundî ne

3. Li gor temen:

       • %11.16 di bin pênc saliyê re ne

       • %24,74 Di navbera 5-14 saliyê de ne

       • %60,44 di navbera 15-64 saliyê de ne (temenê karkirinê).

       • %3,66 di ser 65 saliyê re ne

4. Rewşa hevjîniyê:

       • 46% ezeb in.

       • %51.04 zewicî ne

       • %2.8 jinebî ne

       • Temenê zewaca yekem: Mêr 24.06 salî - Jin 20.7 salî.

5. Rêjeya mirina jidayikbûyan:

       • 26.7 ji 1000 jidayikbûnê re

       • 34.3 ji 1000 jidayikbûnê re li Herêma Kurdistanê

6. Jidayikbûn:

       • Li Iraqê: %3.9

       • Li Herêma Kurdistanê: %3.5

7. Rewşa aborî:

       • %41.61 ji xelkê di warê aborî de çalak in

       • %46,06 di warê aborî de neçalak in

       • %38.25 di sektora hikûmetê de kar dikin

8. Perwerde:

       • Rêjeya nexwendewariyê: %15.31 (li Herêma Kurdistanê %16.23)

       • Rêjeya mêrên ku beşdarî perwerdeyê bûne: 51.5%

       • Rêjeya tevlêbûnê li dibistana seretayî: %88 (%93 li Herêma Kurdistanê)

9. Xizmetguzarî:

       • %87ê xelkê ava vexwarinê ji tora giştî werdigirin

       • %96.3 elektrîka wan heye

       • %96.9 tora kanalîzasyonê gihîştiye wan

10. Yekîneyên niştecihbûnê:

       • Ji %70.16 xwediyê xaniyên xwe ne 

       • %72.15 li Herêma Kurdistanê xwediyê xaniyên xwe ne

Serjimêriya giştî ya xelkê Iraq û Herêma Kurdistanê piştî 37 salan, di navbera 20-22 Mijdara 2024an de hat kirin, tê de agahiyên bingehîn ên malbatan hatin tomarkirin. Qonaxa dawî heta 10ê Berçileya 2024an dewam kir û tîmên pispor 70 pirs ji welatiyan kirin û agahiyên berfireh wergirtin.

Encamên serjimêriyê nîşan dide ku hejmara niştecihên Iraqê li gorî serjimariya sala 1957ê ku hejmara rûniştvanên Iraqê 6 milyon û 500 hezar kesî bû, 39 milyon û 618 hezar kes lê zêde bûye.