Heşda Şeibî li ser sînorê Rojava 3 gundên din kontrol kir

Desteya Heşda Şeibî şevê din 02-05-2017, bi daxuyaniyeke nivîskî ragihand, ku di encama operasyona li sînorê bajarokê Beacê ya ser bi parêzgeha Nînowayê, gundên Çayir Xilfas, Til Sfûg û Caye hatine kontrolkirin.

Di daxuyaniyê de hate gotin, ku bi vî awayî rêya sereke ya gihandina alîkariyê û hatinçûna DAIŞê ya di navbera Sûriye û Iraqê de hatiye birîn.

Desteya Heşda Şeibî da zanîn, ku di vê operasyonê de 15 çekdarên DAIŞê hatine kuştin, ku di nav wan de berpirsê yekîneya înxîmas a DAIŞê Hesen Kinaş Zibeydî jî heye.

Li gorî daxuyaniyê di dema operasyonê de 4 otomobîlên bombebarkirî, bi piştgiriya hêzên esmanî yên Iraqê hatine teqandin.