Cîgirê Fermandariya Operasyonên Kerkûkê Nebîl Îsa di konferanseke rojnamevanî de ragihand, zanyarî gihîştin destê wan ku çekdarên DAIŞê plan dikin derbasî gundê Turkalan li başûrê Kerkûkê bibin û piştre derbasî navenda bajêr bibin.
Nebîl Îsa got jî: Di dema operasyona hêzên ewlehiyê li ser navçeyên derdora gundê Turkalan de, şer û pevçûn bi teroristan re derket û di encamê de leşkerek û 3 terorîst hatin kuştin.
Cîgirê Fermandariya Operasyonên Kerkûkê sa zanîn jî: “Terorîstan plan dikirin ku di rojên cejnê de êrîşan li Kerkûkê pêk bînin.”
Her wiha tekez kir, operasyonên wan dê berdewam bin û ew ê li hundir û derveyî bajêr tedbîrên ewlehiyê ên tund bigirin.
Di sala 2014an de DAIŞê tevahiya parêzgehên Mûsil, Selahedîn û Enbarê û herwiha beşek ji Kerkûk û Diyala kontrol kiribû. Di 9ê Berçileya 2017an de jî serokwezîrê berê yê Iraqê Heyder Ebadî serkeftina li dijî DAIŞê ragihand.
Tevî derbasbûna zêdetir ji 5 salan di ser şikandina wê rêxistina terorê, heta niha hîn jî êrîşên DAIŞê li van deveran berdewam in.
