Li Kerkûkê du teqîn çêbûn

Peyamnêrê Rûdawê Herdî Mihemed ragihand ku li Kerkûkê du teqîn çêbûne û teqîna yekem li cadeya pêşangehan qewimiye, ji ber vê teqînê pênc kes birîndar bûne û jinekê jî canê xwe ji dest daye.

Teqîna duyem li nêzîkî geraca neferhilgir a otobusan qewimiye û 12 kes birîndar bûne.

Peyamnêrê Rûdawê herwiha eşkere kir ku birîndar ber bi Nexweşxaneya Azadî ya Fêrkarî û Nexweşxaneya Giştî ya Kerkûkê hatine veguhestin û li gor zanyariyan birînên du birîndaran giran in.

Herwiha Şaneya Ragihandinê ya Ewlehiyê ya Iraqê ragihand: “Di teqînên du bombeyên vedayî yên di nav du otobusan de kesekî canê xwe ji dest da û 10 kes jî birîndar bûn.”