Li Kerkûkê êrîşî hêzên Iraqî kirin, şerekî giran qewimî

Hat hînbûn ku şer şeva 7ê Kanûnê li demjimêr dor 9.45an rû daye û heta dereng jî berdewam kiriye.

Berpirsê beşa tevgera asayîşa Kerkûkê Eqîd Idrîs Rifet şerê ku li navçeya Fermanberan a navenda Kerkûkê qewîmiye piştrast kir û got, ‘Ziyan gihaye Artêşa Iraqê û milîsên Heşda Şeibî. Kuştî û birîndar hene.'

Li gor daxuyaniya Eqîd Idrîs Rifet hîn diyar nebûye, êrîş ji aliyê kîjan hêzê ve li dijî hêzên Iraqî hatiye kirin.

Li gorî hin agahiyên jêderên herêmê, şer li nêzîkî baregeha Partiya Komonîst rû daye û çekên giran ên wekî RPG, Doçka û BKC jî hatine bikaranîn.

Li gor zanyariyan, şer nêzîkî Bazara Navendî ya Kerkûkê qewimîye ku ew di navbera taxên Rehîmava û Elmas ên Kerkûkê ve dimîne.