Li Mûsilê tenê 5 tax maye

Fermandarê operasyonên “Em hatin Neynewa” Ebdulemîr Reşîd Yarallah bi daxuyaniyekê ragihand, Hêzên Dije-Terorê li rojavayê Mûsilê di çarçoveya operasyonan de Taxa Rebî rizgar kirin.

Herwiha Fermandarê Hêzên Dije-Terorê yên Iraqê Fazil Berwarî jî ji Rûdawê re diyar kir, li Mûsilê bi tevahî 47 tax hatine rizgarkirin û tenê 5 tax di destê DAIŞê de mane.

Weke din Fazil Berwarî amaje bi yekê kir, ku di operasyonên Mûsilê de 5 hezar û 622 çekdarên DAIŞê hatine kuştin û herwiha DAIŞê bi 213 wesayîtên bombekirî êrîşî hêzên ewlehiyê kirine.