Li Xurmatû DAÎŞ'ê êriş kir...

Li sînorê Eniya 3 ya Xurmatû DAIŞ'ê êrîşî ser çeperên Pêşmerge kir û berpirsê wê eniyê ragihand ku êrişa DAIŞ'ê hate têkbirin.

Fermandeyê Eniya 3 ya Xurmatû, Ebdulla Bor ragihand ku îro seat 02.00 çekdarên DAIŞ'ê li wê eniyê, êrîşî ser du çeperên Hêzên Pêşmerge kirine û got piştî bersivdayîneke qahremanane pêşmergeyan êrişa DAIŞ'ê têk birin.

Ebdulla Bor behsa wê yekê jî kir ku di wê êrîşa DAIŞ'ê de, pêşmergeyek bi navê Saman Herkî şehîd bûye, pêşmergeyekî din jî birîndar bû û rewşa tendirustiya wî birîndarî jî baş e.

Piştî derxistina çekdarên DAIŞ'ê ji Mûsil û Telefer'ê, dem bi dem çekdarên wê rêxistinê, li eniyên cuda cuda êrîşî ser çeperên pêşmerge dikin.