Serokên Kurdistan û Franseyê serdana hêzên pêşmerge kir

Îro Serokê Franseyê Fransisco Hollande piştî ku gehêşte Hewlêrê û ji aliyê Serok û Serokwezîrê Kurdistanê û hijmareke din ji rayedarên Kurdistanê ve hate pêşwazîkirin, li gel Serokê Kurdistanê Mesûd Barzanî û şêwirmendê civata ewlekariya Kurdistanê Mesrûr Barzanî serdana çiyayê Zertekê kir.

Di çarçoveya vê serdana han de Serok Barzanî û Hollande ji nêz ve ji rewşa hêzên pêşmerge û herwiha psporên Frensî yên ku hêzên pêşmerge perwerde dikin pirsîn û pişt re jî çûne nava sengerekî hêzên pêşmerge û bi rêya dûrbînê wenêrîn bo rewşa deverê û eniyên şerê kirin.

Piştî bi dawî hatina serdana han Serokê Franseyê spasiya Serokê Kurdistanê û hêzên pêşmerge kir û got: Hêzên pêşmerge bi Fermandariya Serok Barzanî karîne DIŞIê têk bişkînin û serkeftinên mezin bidest bixin û tiştên gelek mezin bikin lewre ez spasiya Serok Barzanî û hêzên pêşmerge dikim.