QSD rizgarkirina Reqqayê ragihand

Berdevkê QSDê Telal Silo ragihand, hêzên wan bi piştevaniya Hevpeymaniya Navdewletî bajarê Reqayê bi temamî kontrol kirin. Silo da zanîn ku, hêzên wan niha jî mijûlê paqij kirina mayîn û paşmayên DAIŞê ne.

Kontrolkirina bajarê Reqayê ji piştî wê yekê hat, QSDê karî yarîgeha Eswed û nexweşxana Niştimanî kontrol bike, ku dawî baregehên DAIŞ'ê li Reqayê di destê wê de mabûn.

Herwiha berî çend rojan Rewangeha Sûrî ya Mafên Mirovan belav kiribû, li gor rêkeftinekê di navbera QSD û DAIŞê de bi sedan çekdarên DAIŞ'ê ligel malbatên xwe, xwe radestî hêzên QSD'ê kirin.

QSD'ê roja 6 Hezîrana borî bi civîneke çapemeniyê ve destpêkirina operasyona bajarê Reqayê bi piştevaniya Hevpeymaniya Navdewletî ve ragihandibû.