Bi dronan êrişî Moskowê hat kirin

Serê sibeha Îro Ukraynayê bi çend dronan êrîşî Moskowê kir û yek ji dronan li avahiyeke bazirganî ket û ziyanên madî gehandin avahiyê.

Şaredarê Moskowê Sergey Sobyanin diyar kir Bergiriya Asmanî ya Rûsyayê çend dron li asmanê Moskowê xistin xwarê lê dronek bi avahiyeke bazirganî ket û bû sedema ziyanên madî.

Ajansa nûçeyên Rûsya TAS jî ragihand ku Balafirxaneya Vnukovo ya li Moskowê ji ber êrişê bi demkî hat girtin û geştên wê ji bo balefirgehên din hatin veguhastin lê piştî bi dawîbûna êrîşan car din ew balafirxane hat vekirin.

Roja Şemiyê jî Ukrayna bi dronan êrişî Moskowê kiribû û Rûsyayê weke bersiv êrişî hin navçeyên Ukraynayê kiribû.

Şeva derbasbûy jî Amerîkayê jî ragihand ku ew li dijî wê yekê ku êrîş li dijî Rûsyayê di nava xaka wî welatî de pêk werin.