Li Rûsyayê parlamenterekî Kurd hat xelatkirin

Xelata Sadoyan, ji aliyê Parêzgarê Krasnodarê Venamin Kondratyv ve bi merasîmekê hat dayîn.

Parêzgarê Krasnodarê dema pêşkeşkirina xelatê got ku Zorîkê Rostem di xebatên parlamentoyê de û çareserkirina pirsgirêkên paytexta herêmê Kubanê de, gelekî bûye alîkar.

Zorîkê Rostem Sadoyan ji Kurdistan24ê re ragihand: “Şerefekî mezin e ji bo min. Ez spasiya Parêzgarê Krasnodarê Veniamin Kondratyev dikim ji bo pêzanîna wî ya bo kar û xebatên min. Ev jî handereke baş e ji bo karên dahatû û destkeftên nû ji bo berjewendiya welatiyan.”

Sadoyan sala 1972yan li gundê Hako di nav malbateke Kurd de hatiye dinyayê û 10 sal in parlementeriyê dike.

Li herêma Krasnodar, zêdetirî 22 hezar Kurd dijîn ku li Rûsyayê bi serjimariya 1,1 milyon kesan herêma 8emîn a herî qelebalix a Rûsyayê ye.