Walîyê Duhokê: Ji Şingalê 10 hezar kes koçber bûne

Elî Teter axaftina xwe ya ligel çapemeniyê de ragihand, xelkê Duhokê bi dilekî germ pêşwazî li 10 hezar awareyên Şingalê kirin û hemû rêxistinên navxwe û biyanî amadebûna xwe ji bo alîkarîkirina wan awareyan nîşan dan.

Teter diyar kir, Serokwezîrê Herêma Kurdistanê Mesrûr Barzanî û hemû temamê tîma hikûmetê li ser xet in û amadebûna xwe ji bo alîkarîkirina awareyan nîşan dan.

Parêzgarê Duhokê daxwaz kir ku hemû grûp û pêkahetên nerewa ji Şingalê derkevin û got: “Eger ew hêz bawer in ku ligel xelkê Kurdistanê ne, bila ji Şingalê derkevin û rê li ber wê yekê xweş bikin ku aware vegerin ser mal û milkê xwe.”