Human Rights Watch: Destûrê nû yê Sûriyeyê desthilata dadwerî biçûk kiriye

Cîgirê Birêveberê Rojhilata Navîn li Rêkxistina Human Rights Watchê Adam Kogler ragehand, “Ji ber neamadebûna ewlehiyê û nebûna çavdêriyeke serbixwe û bêalî ji bo karûbarên hikûmeta nû ya Sûriyeyê, ragehandina destûrê nû dibe sedema zêdetir zalbûn û hejmona desthilata bicihanînê li ser azadiyên bingehîn, xasma jî di vê demê de ku Sûriye di qonaxeke hestyar re derbaz dibe.”

Adam Kogler pêdivî jî dîtiye ku, desthilatdarên Sûriyeyê pêdaçûnê di destûrî de bikin ji bo ku desthilata dadwerî û danana qanûnê zêdetir serbixwe bin.

Navbirî herwesa got, “Divê qonaxa veguhêz a Sûriyeyê bibe deriyek ji bo sîstemeke demokrasiyê û rêz li mafan bê girtin, ne ku bibe sedema çespandina sîstemeke desthilatdar û destdirêj.