McGurk: Em ê di dayîna çekên YPGê de guherandin bikin

Brett McGurk di axaftina xwe ya li Wezareta Derve ya Amerîkayê de rojnamewanekî derheqê axaftina navbera Erdogan û Trump ya li ser dayîna çekan de pirsek pirsî.
McGurk di bersiva xwe de got: "Em di dayîna hinek çekan de bi sînor tevdigerin. Di vê pêvajoyê de em ê li hember şirîkê xwe yê NATOyê Tirkiyeyê zelal bin."
Dîplomatê amerîkî McGurk di berdewamiya axaftina xwe de got: "Em ê hebûna xwe ya li Sûriyeyê bidomînin. Li gorî demê em ê carinan di polîtîkaya xwe ya alîkariyê de guhertinan çêbikin. Ev tiştek normal e."

Nûnerê Trump di dirêjiya axaftina xwe de got: "Her çi qas ku îro DAIŞ qels bûbe jî di çarçoveya tekoşîna li hemberî DAIŞê de hê jî gelek tiştên ku em bikin hene."