Barzanî û Ebadî li ser qonaxa piştî DAIŞê axivîn

Di daxuyaniya SHKê de hat gotin ku di hevdîtinê de Barzanî û Ebadî tekezî li ser bihêzkirina hemahengiya di navbera Hêzên Pêşmerge û Artêşa Iraqê de kirine û li ser piştî şikandina DAIŞê berdewama vê hemahengiyê hatiye rawestîn.

Li gor daxuyaniyê, di hevdîtinê de behsa pêşveçûnên meydanî yên dawî yên operasyona azadkirina Musilê li Rojhilat û Rojavayê bajêr hatiye kirin, her du alîyan pîrozbahiya serkeftinên serbazî yên dijî DAIŞê li hevdu kir, pêzanînên xwe ji hev du re parve kirin û ji bo misogerkirina aramiyê li ser bihêzkirina hemahengiya di navbera Artêşa Iraqê û Hêzên Pêşmerge de rawestiyan.

Herwiha hat ragihandin, di navbera şandeyên her du aliyan de, li ser proseya siyasî ya pêwendiyên navbera Hewlêr û Bexdayê jî gotûbêj hatiye kirin.