Dîrektorê Îstixbarata Amerîkî: Serxwebûna Kurdan li ber dema ragihandinê ye

Stewart destnîşan kir: "Serxwebûna Kurdan ne mijara bûyîn û nebûnê ye, ew li ber dema ragihandinê ye. Heger di navbera Bexdayê û alîyên din de lihevkirin çênebe, dê rewş aloztir bibe. Lewma jî dê referandûma meha Cotmehê diyarker be."

Dîrektorê Îstixbaratê Stewart li ser pirseke senatorê Amerîkî Jack Reed a li kongreyê ya ji bo referandûma Herêma Kurdistanê wiha axivî:

"Piştî têkbirina DAIŞê li Mûsilê kêşeya herî girîng lihevanîna Suneyan û Kurdan a hikûmeta xwedî giranîya şîa ye. Petrola Kerkûkê û dahata ku jê were, dê bibe karteke gefxwarina siyasî ya girîng. Eger çareserîyeke siyasî ji bo van kêşeyan neyê dîtin, dê di navbera alîyan de bibe sedema şer û pevçûnan. Serxwebûna Kurdan ne mijara bûyîn nebûnê ye, ew li ber dema ragihandinê ye. Heger di navbera Bexdayê û alîyên din de lihevkirin çênebe, dê rewş aloztir bibe. Lewma jî dê referandûma meha Cotmehê diyarker be."