Endamê Lîjneya Pêşmerge: Yekkirina yekîneyên 70 û 80ê qonaxeke baş derbas kir

Endamê Lîjneta Pêşmerge li Parlamentoya Kurdistanê Seîd Herkî ji (Basnews) re ragihand: “Wezareta Pêşmerge pêngavên gelek baş avêtine, bi taybetî yekkirina hêzên 70 û 80 ku niha di qonaxên baş de ne û çendîn lîwa. Di bin sîwanê de bûne lîwayeke hevbeş.”

Herkî dibêje: ‘’Wezareta Pêşmerge û yekkirina Hêzên Piştevaniya 1 û 2 pêngaveke girîng bû.’’

Di berdewamiya axaftina xwe de got: "Di derbarê xanenişîna Pêşmerge de çend karên girîng hatine kirin, bi taybetî yekkirina xanenişîna her du yekîneyên 70 û 80 ji bo vegerandina xanenişîna giştî ku niha di qonaxa dawî de ye. Tiştê ku maye di çaksaziyên Wezareta Pêşmerge de, yekkirina hesabên yekîneyên 78 û 80ê ye ku yek ji reformên herî girîng e û ez dikarim bibêjim ku %90 ji pirsgirêkên Wezareta Pêşmerge dê bên çareserkirin. ."

Di berdewamiyê jî de hatiye gotin: ‘’Heya niha nêzîkî 19 lîwayên hatine avakirin û her du hêzên piştevaniya 1 û 2 tevlî karmendên Wezareta Pêşmerge bûne, ku di kabîneya nehê de gaveke girîng bû, di paşerojê de avakirina lîwayên din dê berdewam be.’’