Goran: Sedema êrîşa Heşda Şeibî ne referandûm e...

Berpirsê Jûrên Navçeyên Nakok ê Tevgera Goran Ehmed Ezîd dibêje, eger referandûma serxwbûna Başûrê Kurdistanê nehatiba kirin jî plana Iraqê hebû êrîşê Kerkûkê bikin.

Ehmed Ezîz derbarê vekişandina beşek ji hêzên pêşmerge jî diyar kir: “Mixabin li Kerkûkê hêzên pêşmerge ne yekdeng in. Ev jî sedema lawazî ye. Pêşmerge li hinek cihan şer nekiriye. Herwiha şer jî ne hevseng e.”

Ev çend roj e Artêşa Iraqê û Heşda Şeibî hêzên xwe anîbûne başûrê Kerkûkê û gefa kontrolkirina bajêr û navçeyên wî didan.

Demjimêr 11.30ê şeva derbasbûyî 15-10-2017, hêzên Heşda Şeibî ji eniyên Daquq, Taze û Xurmato êrîşê ser çeperên pêşmerge kirin. Encûmena Asayîşa Herêma Kurdistanê bi daxuyaniyekê ragihand, ku Heşda Şeibî bi çekên amerîkî êrîşê pêşmerge dikin.

Hêzên Iraqê raste rast bi fermana Serokwezîrê Iraqê Heyder Ebadî dest bi vê êrîşê kirine û dixwazin pêşmerge bajarê Kerkûkê radestê wan bikin.