Ji Parlementoya Iraqê tevgerandinek xeter!

Li gorî nûçeya ku malpera fermî ya Rûdawê de cih digire tê gotin ku Serokê Fraksiyona Komela Îslamî li Parlamentoya Iraqê Ehmed Hecî Reşîd ji Rûdawê re ragihand: “Ji bo hilweşandina Encûmena Parêzgeha Kerkûkê hejmareke zêde ya îmzeyan hatiye komkirin. Biryarderê Parlamentoya Iraqê û parlamenterê tirkmen ê Encûmena Bilind a Îslamî Niyazî Mîmar Oglu jî serkêşiya komkirina îmzeyan dike.”

Di domkirina axaftina xwe de Hecî Reşîd tekez kir, ku parlamenterên kurd bi hemû awayî li dijî vê helmetê ne û got: “Ti hênceteke yasayî ji bo vî karî nîne. Ew dixwazin bi hilweşandina encûmenê li Kerkûkê rewşa awarte rabigihînin, ku ev jî pir xeter e!”

Hêjayê gotinê ye, ku Parlamentoya Iraqê li dijî biryara giştpirsiya Başûrê Kurdistanê deng da û herwiha paşî biryara dûrxistina Parêzgarê Kerkûkê Necmedîn Kerîm da.