Li Hewlêrê gotûbêja li ser elektronîkî kirina karûbarên hikûmetê tê kirin

Parêzgarê Hewlêrê Umîd Xoşnaw ragihand, pêngavên hikûmeta elektronîk li Kurdistanê dest pê kirine û niha çendîn dezgehên îdarî û darayî yên Kurdistanê bi sîstemên elektronîkî kar dikin. Lê armanc û cîhanbîniya serokwezîrê kabîneya nehem a hikûmeta Herêma Kurdistanê birêz Mesrûr Barzanî ji wê yekê berfirehtir e, lewra tê çaverêkirin ku di heyama çar salên bê de hemû saziyên Herêma Kurdistanê bibin elektronîkî.

Parêzgerê Hewlêrê ragehand: Sûd û feydeyên vê sîstemê gelek in, hin ji wan jî teserûfkirina demê, ji holê rakirina rûtîn, kêmkirina gendeliyê, navbeynkarî, rêgirtin û destwerdanê ye.

Gotûbêja rêveberiya elektronîk li Herêma Kurdistanê ji aliyê Yekîtiya Ciwanên Demokrat ên Kurdistanê ve hat kirin û çend lêkolîn hatin pêşkêşkirin.