Mesrûr Barzanî û Mihemed Cewad Zerîf çarekirina arêşeyên Hewlêr û Bexdayê gengeşe dikin

Di ragehandineke Hikûmeta Herêma Kurdistanê de hatiye, “Serokê Hikûmeta Herêma Kurdistanê Mesrûr Barzanî îro (Çarşem, 22.01.2025), di çarçoveya Korbenda Aborî ya Cîhanê de li Davosê, bi Alîkarê Serokkomarê Îranê ji bo Karûbarên Stratejîk Mihemed Cewad Zerîf re civiya.

Di wê hevdîtinê de danûstandin li ser pêşxistina peywendiyên Herêma Kurdistanê û Komara Îslamî ya Îranê û rewşa giştî ya Îraq û deverê û xasma jî ya Sûriyeyê hatin kirin.

Giringiya çarekirina arêşeyên navbera Herêma Kurdistanê û Hikûmeta Îraqê ya Federalî û dabînkirina mafên destûrî û darayî yên Herêma Kurdistanê jî mijarên tewerekî din ê danûstandinan bûn.