Nêçîrvan Barzanî bi Fermandarê Giştî yê Hêzên Hevpeymanan civiya

Li gorî daxuyaniya Serokatiya Herêma Kurdistanê, di civînê de rewşa ewlehî, metirsiya terorê û gefên DAIŞê li ser ewlehî û aramiya Iraq û Sûriyê hat gotûbêjkirin. Herwiha tekezî li ser berdewamiya hevkarî û hevahengiya di navbera hêzên Pêşmerge, artêşa Iraqê û hêzên hevpeymanan de hate kirin.

Di mijareke din a hevdîtinê de ku Wezîrê Karûbarên Pêşmerge û Supasalarê Pêşmerge amade bûn, tekezî li ser serxistina proseya çaksaziyê li Wezareta Pêşmerge û yekkirina Pêşmerge hat kirin. Di vê derbarê de, her du alî li ser giringiya piştevaniya proseyê û nehîştina astengiyan hevnêrîn bûn.

Herwiha rewşa navçeyê bi giştî û çendîn mijarên cihê giringiya her du aliyan, aliyekî din ê hevdîtinê bû.