Îran: Me di dema şer de jî sînorên xwe bi Herêma Kurdistanê re negirtin

Mihemed Mehmûdiyan roja Yekşemê, 29ê Hezîranê di konferanseke rojnamevanî de ragihand: "Em wan gotegotên ku hatine belavkirin û dibêjin her kesê ji Herêma Kurdistanê were Îranê tê girtin, bi tundî red dikin. Ev agahî bi temamî nerast in."

Konsulê Îranê da zanîn, heta di dema şerê dawî de jî, sînorên wan ên bi Herêma Kurdistanê re vekirî mane û pêwendiyên aborî û bazirganiyê bi awayekî asayî berdewam kirine.

Mehmûdiyan got: "Kesên van gotegotan belav dikin, ji wê yekê ne agahdar in ku pêwendiyên çandî, ruhanî, siyasî û aborî yên di navbera Îran û Herêma Kurdistanê de ji wê yekê gelek bihêztir in ku ev gotegotên lawaz karîgeriyê li ser bikin."

Konsulê Giştî yê Îranê li Silêmaniyê di dawiya axaftina xwe de amaje pê da ku rehên van pêwendiyên dîrokî di kûrahiya dîrokê de ne û gotegotên bi vî rengî nikarin ziyanê bigihîninê.