Nêçîrvan Barzanî pîrozbahî li Papayê nû kir

Kardînal Robert Prevost doh wekî papayê nû yê Vatîkanê û Xirîstiyanên Katolîk ên li çaraliyê cîhanê hat hilbijartin.

Papayê nû Robert Prevost 69 salî yê û ji Amerîkayê ye.

Piştî mirina Papa Francis, Robert Prevost bû Papa 267emîn ê Vatîkanê.

Navê Papayê nû Robert Prevost e û navê Leoyê 14em ji xwe re hilbijartiye.

Serokê Herêma Kurdistanê Nêçîrvan Barzanî bi peyamekê pîrozbahî li Papayê nû Robert Prevost kir.

Nêçîrvan Barzanî di peyama xwe de wiha got:

"Bi hilbijartina wî ya wekî rêberê nû yê Dêra Katolîk ez li ser navê Herêma Kurdistanê, pîrozbahiyên xwe yên herî germ pêşkêşî Papa Leo XIV ê Pîroz dikim.

Ez ji peyama wî Pîrozî ya aştî, dilovanî û dadmendiyê cesaret werdigirim.

Her wiha ez rêzê li mîrateya kûr a Papa Francisê rehmetî digirim.

Herêma Kurdistanê bi cidî pabendî jiyana bi hev re û hevahengiya di navbera olan de dimîne."