Wezîrê Derve yê Amerîkayê pîrozbahî li Nêçîrvan Barzanî kir

Mike Pompeo tekezî li ser berdewamiya peywendiyên Amerîka li gel Iraq û Herêma Kurdistanê di hemû waran de kir.

Pompeo herwiha hêvî kir peywendiyên navbera Hewlêr û Bexdayê bêne xurtkirin û pirsgirêkên navbera herdu aliyan bi diyalogê bêne çareserkirin.

Serokê Hilbijartî yê Herêma Kurdistanê Nêçîrvan Barzanî jî spasiya vê peywendiya telefonî û pîrozbahiya Mike Pompeo kir û tekezî li ser bêtir bihêzkirina peywendiyên Herêma Kurdistanê û Iraqê di hemû waran de kir.

Nêçîrvan Barzanî herwiha tekezî li ser çareserkirina pirsgirêkên navbera Hewlêr û Bexdayê bi rêya diyalog û gotûbêjê jî kir.

Pêştir her yek ji Şêwirmendê Asayişa Niştimaniya Amerîkayê û Berdevka Wezareta Derve ya Amerîkayê Morgan Orgatus bi peyamên cuda pîrozbahî li Nêçîrvan Barzanî kiribûn.