Asayiş: Li gundekî Kobanê 10 kes di êrîşeke Tirkiyeyê de birîndar bûn

Fermandariya Giştî ya Hêzên Ewlekariya Hundirîn duh 2ê Sibatê di daxuyaniyekê de ragihand, firokeyeke Tirkiyeyê duh malek li gundê Aşmê yê Kobanê bombebaran kir û di encamê de, 7 zarok, mêrek û du jin birîndar bûn.

Hêzên Ewlekariya Hundirîn tekez kir jî, “Ev êrîş binpêkirineke eşkere ye ji hemû qanûn û pîvanên navdewletî ne.”

Asayişê bi tundî ev êrîşa hovane şermezar kir û bang li civaka navdewletî û rêxistinên mirovî kir ku berpirsyariyên xwe bicih bînin û zextê li Tirkiyeyê bikin, da ku van êrîşan rawestînin.