BBC, fermandara QSD'ê xist nav projeya 100 jinên 2017'an

BBCyê vîdyoya xwe bi sernavê \"Jina ku bi sedan DAIŞî kuştin\" dest pê dike û wiha dewam dike: \"Rojda Felat operasyona Xezeba Firatê ya li Reqayê bi rê ve dibe. Bi hezaran şervanên kurd, ereb û suryanî di vê operasyonê de beşdar in\"

Felatê di vîdyoyê de behsa sedema beşdarbûna xwe di operasyonê de dike û wiha dibêje: \"Sedema ku hişt ez fermandariya vê operasyonê bikim, rizgarkirina jinên şingalî û gelek jinên din ên di destê DAIŞê de ne.\"

Herwiha fermandara kurd destnîşan dike ku li eniyê şerî li pêş cih girtiye û hîn jî wiha ye.

Felatê behsa bandora çek û topan li ser şervanan dike bê çawa bi demê re xwe ji tirsa xwe xelas dikin.