Di navbera QSD û DAÎŞ'ê de şer pir dijwarbû: Bi dehan kuştî...

Li hemû taxên bajarê Reqqayê di navbera çekdarên QSD ku Yekîneyên Parastina Gel (YPG) pêşengî dike û milîtanên rêxistina terorîst a DAIŞê de şer û pevçûnên dijwar diqewimin. Di nava çend saetên dawî de 95 milîtanên terorîst hatin kuştin û gelek wesayîtên bombebarkirî hatin rûxandin.

Li gorî ragihandina agahiyên herêmî , li taxa Rewda ku dikeve Bakurê Rojhilatê bajêr 23, li taxa Mansûr a rojhilatê bajêr 12, li taxa Reşîd a rojhilatê bajêr 15, li taxa Berîd a bakur rojavayê bajêr 5, li taxa Nehda 17, li taxa Deriye ya rojavayê bajêr 7, li taxa Nezlit Şihadê 16 bi tevahî 95 milîtanên rêxistina terorîst a DAIŞê hatin kuştin û gelek termên terorîstan jî ketin destê çekdarên QSD'ê.

Di şer û pevçûnan de gelek wesayîtên bombebarkirî hatine ruxandin û amûrên şer ê rêxistinê ketine destê çekdaran. Li gorî zanyariyan rêxistinê di nava çend seetên dawî de şikestineke mezin xwariye.