Li Serê Kaniyê ciwanek hat kuştin û 3 kes jî birîndar bûn

Li gor çavkaniyên Rêveberiya Xwesaer, roja Pêncşemê 22ê Hezîranê li navçeya Serê Kaniyê ya Rojavayê Kurdistanê, ku niha di kontrola hêzên Tirkiyê û komên çekdar ên opozisyona Sûrî ya girêdayî Tirkiyê de ye, cendirmeyên Tirkiyê gule berdane hejmareke sivîlên Sûrî.

Hatiye ragihandin ku wan kesan dixwestin derbasî aliyê din ê sînor bibin, lê hêzên ewlehiyê yên Tirkiyê rê nedane û teqe kirine. Di encama guleberana hêzên Tirkiyê de, ciwanê bi navê Ebdulkerîm Xoce canê xwe ji dest daye û sê kesên din jî birînda bûne.

Nasnameya kesên birîndar hêj nehatiye zanîn.

Li gor agahiyan, piştre xelkê navçeyê bi hawara wan kesan ve çûne, ciwanê kuştî û her sê birîndar veguhestine nexweşxaneya bajarê Serê Kaniyê.