PYDê li Kobanî dest bi girtina xortan kiriye

Endamê rêveberiya PDK-Sê Seîd Omer ji BasNewsê re got, hêzên PYDê li Kobanî dest bi girtina xortan kirine û wan bi zorê dibin şer û serbaziyê.

Seîd Omer her wiha got, PYD hinek çekdarên xwe bi kincên sivîl xistiye nav bajêr û xortan digirin û bi zorê tevlî YPGê dikin û piştî ku çend rojan perwerde kirin, dişînin şer.

Wî berpirsê PDK-Sê da zanîn ku heta niha 400 xort li Kobanî ji aliyê hêzên PYDê ve hatine girtin û bi zorê tevlî YPGê hatine kirin û got, em ji PYDê dixwazin dest ji vê siyaseta xwe ya xelet hilde û êdî zilmê li xelkê neke.

Seîd Omer bang li sazî û dezgehên mafên mirov yên navdewletî jî kir li hember zilma PYDê bêdeng nemînin.