Serokê Ukraynayê got, “Rûsya aştiyê naxwaze, divê cîhan vî şerî rawestîne.”
Li bajarê Kryvyi Rihê yê Ukraynayê êrişa mûşekî ya Rûsyayê bû sedema wêraniyeke mezin.
Şaredarê Kryvyi Rihê Oleksandr Vilkul bi daxuyaniyekê ragihand, di encama êrişê de 14 kes mirin û ji 50î zêdetir kes jî birîndar bûn.
Hat ragihandin ku nêzîkî cihê êrişê parkeke zarokan hebûye.
Serokê Ukraynayê Volodymyr Zelenskyy di daxuyaniya xwe ya li ser êrişê de ragihand ku 6 ji wan kesên ku mirin zarok in û 5 avahiyan zerereke mezin dîtiye.
Serokê Ukraynayê Volodymyr Zelenskyy amaje pê kir ku Rûsya her roj êrişeke nû dike û got:
“Tekane sedema berdewamkirina şer ew e ku Rûsya aştiyê naxwaze.
Her mûşek, her dronek vê yekê bi awayekî zelal nîşan dide.”
Volodymyr Zelenskyy her wiha bangî civaka navneteweyî kir û anî ziman:
“Amerîka, Ewropa û hemû welatên cîhanê xwedî hêz in ku Rûsyayê ji berdewamkirina vî şerî dûr bixin.
Xurtkirina parastina hewayî ya Ukraynayê dê dawiya vî şerî diyar bike. Em aştiyê dixwazin.”
