Serokkomarê Tirkiyeyê Recep Tayyîp Erdogan doh li Stenbolê piştî nimêja îniyê civîna medyayê li dar xist û bersiv da pirsgên rojnamegeran.
Recep Tayyîp Erdogan diyar kir ku pêvajoya “Tirkiyeya bêtoror” wekî ku hatiye plankirin bi rê ve diçe û ti pirsgirêk nîne.
“Ti pirsgirêk nînin”
Erdogan derbarê pêvajoya nû wiha got:
“Niha pêvajoya Tirkiyeya bêteror wekî ku me plan kiriye bi rê ve diçe. Ti pirsgirêk nînin.
Geşedan her roj di berjewendiya welatê me û herêma me de ne û bi awayekî tendirust, ango bila pêngavên CHPyê yên ber bi terorê ve we nexapînin.
Jixwe li Tirkiyeyê tiştekî wiha nabe. Wekî hûn dizanin me ev di Geziyê de jî dîtin.
Paşê me hemûyan bi hev re encamên wê jî dîtin. Niha di van geşedanên dawî de jî pêngavên ku CHPyê ber bi terorê ve avêtin serî negirt û nagire.
Ji ber ku Tirkiye bi awayekî bihêz li ser pêya ye û rojevê di destê xwe de digire.
Tifaqa Cumhur her tiştê Tirkiyeyê ye. Tifaqa Cumhur bi awayekî herî baş Tirkiyeya bêteror ava dike û bi rê ve dibe.
Bila kesek ji vê derê ji xwe re pareke nerênî dernexîne. Yek jî serî nagire. Tirkiye her roj di her warî de bi pêş ve diçe.”
